THE GREAT GRANDFATHER TREE

(GREAT GRANDFATHER TREE)

ହଜାର ହଜାର ବର୍ଷ ପାର କରିଗଲା ପରେ ବି ଦାମ୍ଭିକ ଭାବେ ମୁଣ୍ଡ ଟେକି ଠିଆ ହୋଇଛି ପ୍ରପିତାମହ(ଗ୍ରେଟ ଗ୍ରାଣ୍ଡ ଫାଦର)। ଏହି ନାମରେ ପରିଚିତ ଏହି ବୃକ୍ଷ । ଚିଲିର ଘଞ୍ଚ ଜଙ୍ଗଲରେ ଡାଳ ପତ୍ର ମେଲାଇଥିବା ୫ ହଜାରରୁ ଅଧିକ ବର୍ଷର ଏହି ବିଶାଳ ବୃକ୍ଷକୁ ବିଶ୍ଵର ସବୁଠାରୁ ପୁରୁଣା ବୋଲି କୁହାଯାଉଛି । ସରକାରୀ ଭାବେ ସେଭଳି ସ୍ଵୀକୃତି ଦେବାର ପ୍ରକ୍ରିୟା ଆରମ୍ଭ ହୋଇଛି । ଇଜିପ୍ଟର ଦକ୍ଷିଣ କାଇରୋ ସହରଠାରୁ ପ୍ରାୟ ୩୨ କିମି ଦୂରରେ ଅବସ୍ଥିତ ସାକାରା ନାମକ ସ୍ଥାନରେ ସଂପ୍ରତି ୪,୩୦୦ ବର୍ଷର ଏକ ପୁରୁଣା ମମିର ସନ୍ଧାନ ମିଳିଛି । କିଛି ପ୍ରତ୍ନତତ୍ତ୍ଵବିଦ କୁହନ୍ତି ଏହା କାଳେ ଆଜି ପର୍ଯ୍ୟନ୍ତ ଠାବ ହୋଇଥିବା ବିଶ୍ଵର ସର୍ବପ୍ରାଚୀନ ମମି । ଯଦିଓ ଏହି ଦାବି ନେଇ ମତଭେଦ ରହିଛି । ଗାଣିତିକ ସେହି ମମିର ବୟସକୁ ବି ଟପିଯାଇଛି 'ଗ୍ରେଟ ଗ୍ରାଣ୍ଡଫାଦର' । ବିଦେଶୀ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ , ଏହାର ଗୋଟିଏ ଚେରର ବ୍ୟସାର୍ଦ୍ଧ ୧୩ ଫୁଟ(୪ ମିଟର) । ଏହି ବୃକ୍ଷଟିର ଉଚ୍ଚତା ପ୍ରାୟ ୯୨ ଫୁଟ(୨୮ମିଟର) । ଏହା ପୂର୍ବରୁ ବିଶ୍ଵର ସବୁଠାରୁ ପୁରୁଣା ବୃକ୍ଷର ମାନ୍ୟତା ପାଇଥିଲା ମେଥୁସେଲା । ଆମେରିକାର କାଲିଫନିଆର ସେହି ଗ୍ରେଟ ବେଶିନ ବିସଲକୋନ ପାଇନ ଗଛଟି ୪୮୫୦ ବର୍ଷ ପୁରୁଣା । ଦୀର୍ଘ ବର୍ଷ ଧରି ଏତେ ପ୍ରତିକୂଳ ପରିସ୍ଥିତିର ସାମ୍ନା କରି କିପରି ନିଜକୁ ବଞ୍ଚାଇ ରଖିଛି ଏହି 'ଗ୍ରେଟ ଗ୍ରାଣ୍ଡଫାଦର' ତାହା ଜାଣିବା ପାଇଁ ଗଛର କିଛି ଅଂଶ ବାହାର କରାଯାଇ ତାହାର ପରୀକ୍ଷାନିରିକ୍ଷା କରାଯାଇଛି । ଦକ୍ଷିଣ ଚିଲିର ଜଙ୍ଗଲରେ ଏହି ଗଛଟିର ପ୍ରକୃତ ବୟସ ଜାଣିବା ପାଇଁ ଏହାର ନମୁନା ସଂଗ୍ରହ କରି ପରୀକ୍ଷା କରୁଛନ୍ତି କେତେଜଣ ବିଜ୍ଞାନୀ । ସେମାନଙ୍କ ମଧ୍ୟରେ ଅଛନ୍ତି ଆର୍ଜେଣ୍ଟିନାର ଅଷ୍ଟ୍ରାଲ ବିଶ୍ବବିଦ୍ୟାଳୟର ଅନ୍ତୋନିୟୋ ଲାରା । ଚିଲିର ସେଣ୍ଟର ଫୋର କ୍ଲାଇମେଟ ସାଇନ୍ସ ଆଣ୍ଡ ରେଜିଲିଏନ୍ସ ସହିତ ଯୁକ୍ତ ରହିଛନ୍ତି ଅନ୍ତୋନିୟୋ । ଗଣମାଧ୍ୟମକୁ ଲାରା କହନ୍ତି ଅନ୍ୟ କୌଣସି ଗଛର କ୍ଷେତ୍ରରେ ଏତେ ବର୍ଷ ବଞ୍ଚି ରହିବାର ସୁଯୋଗ ହୋଇନି । ଚିଲିର ରାଜଧାନୀ ସାଣ୍ଟିଗୋରୁ ପ୍ରାୟ ୮୦୦ କିମି ଦକ୍ଷୀଣରେ ଲସ ରିଓ ଅଞ୍ଚଳର ଜଙ୍ଗଲ ମଧ୍ୟରେ ଗୋଟିଏ ଖାଇ ପାର୍ଶ୍ଵରେ ରହିଛି ଏହି ଗଛ । ବିଶେଷଜ୍ଞମାନଙ୍କ ଅନୁସାରେ ସରଳବର୍ଗୀୟ ଚିରହରିତ ଏହି ଗଛଟି ପ୍ରକୃତରେ ଫିତରୋଜୋୟା କାପ୍ରେସୋଦେଶ ପ୍ରଜାତିର । ଲାଟିନ ଆମେରିକାରରେ ଏହା ସ୍ଥାନୀୟ ବୃକ୍ଷ ହିସାବରେ ପରିଚିତ । 'ଗ୍ରେଟ ଗ୍ରାଣ୍ଡଫାଦର' କୁ ନେଇ ଅଧିକ ଗବେଷଣା ଆରମ୍ଭ ହୋଇଥିବାରୁ ସେହି ଗଛ ପାଖକୁ ଯିବା ପାଇଁ ସାଧାରଣ ଲୋକଙ୍କୁ ମନ କରାଯାଇଛି । କିଛିଦିନ ତଳେ ଏହି ଗଛ ତଳେ ଛିଡା ହୋଇ ପର୍ଯ୍ୟଟକମାନେ ସେଲଫି ଉଠାଉଥିଲେ । ଏବେ ଚିଲି ସରକାର ସେହି ଗଛଟିକୁ ସୁରକ୍ଷା ଯୋଗାଇବା ଉଦ୍ଦେଶ୍ୟରେ ଅଧିକ କର୍ମଚାରୀ ନିଯୁକ୍ତି କରିଛନ୍ତି । ବିଜ୍ଞାନୀମାନେ ଜାଣିଛନ୍ତି ୧୯୭୨ ମସିହାରେ ଚିଲିର ଏହି ଜଙ୍ଗଲରେ ବୁଲାବୁଲି କରୁଥିବା ବେଳେ ଏହି ଗଛଟିର ସନ୍ଧାନ ପାଇଥିଲେ ସ୍ଥାନୀୟ ଜଣେ ଜଙ୍ଗଲ ଅଧିକାରୀ । ତାହା ପରଠାରୁ ଏହି ଗଛ ସମ୍ପର୍କରେ ପରିକ୍ଷାନିରିକ୍ଷା ଆରମ୍ଭ ହୋଇଥିଲା । 'ଗ୍ରେଟ ଗ୍ରାଣ୍ଡଫାଦର' ର ସନ୍ଧାନ ମିଳିବାର ପ୍ରାୟ ୧୬ ବର୍ଷ ପରେ ହୃଦଘାତରେ ପ୍ରାଣ ହାରିଥିଲେ ସେହି ଜଙ୍ଗଲ ରକ୍ଷକ ଜଣ । ତେବେ ମୃତ୍ୟୁ ପର୍ଯ୍ୟନ୍ତ ସେ ଏହି ଗଛଟି ବିଷୟରେ ବାହ୍ୟ ଦୁନିଆକୁ ଜଣାଇବାକୁ ଚାହୁଁନଥିଲେ । ଜଙ୍ଗଲ ରକ୍ଷକଙ୍କ ଝିଅ କୁହନ୍ତି ଏହି ଗଛଟି ଏହି ଗଛଟି ଏତେ ମୁଲ୍ଯବନ ବୋଲି ବୁଝିପାରିଥିଲେ ତାଙ୍କ ପିତା । ତେଣୁ ଗଛଟି ସାଧାରଣ ଲୋକଙ୍କ ଦ୍ରୁଷ୍ଟି ଆଢୁଆଳରେ ରଖିବାକୁ ଚାହିଁଥିଲେ । ୨୦୨୦ ମସିହାରେ 'ଗ୍ରେଟ ଗ୍ରାଣ୍ଡଫାଦର'ର କେନ୍ଦ୍ରସ୍ଥଳରୁ ନମୁନା ସଂଗ୍ରହ କରିବାକୁ ଯାଇଥଲେ ଏକ ବିଶେଷଜ୍ଞ ଦଳ । ନମୁନା ପରୀକ୍ଷା ପରେ ବିଶେଷଜ୍ଞମାନେ ଦାବି କରିଥିଲେ ଗଛଟି ପ୍ରାୟ ଆଢେଇ ହଜାର ବର୍ଷ ପୁରୁଣା । କିନ୍ତୁ ଏହି ଗଛର ପ୍ରାୟ ୮୦ ପ୍ରତିଶତ ଦେଖିଲେ ମନେ ହେବ ୫୦୦୦ ହଜାର ବର୍ଷ ପୁରୁଣା ।